任睇No.1
  • 29º
  • 77%
  • 2022年8月13日 星期六

KellyChu - 運輸署裝新輔助裝置 試驗半年 「紅光照人」提醒勿衝紅燈|Executive日記

運輸署好有心,不時改善交通基建,提升行人、汽車嘅安全。最近署方又出新招,推出一項為期約半年嘅試驗計劃,就係喺行人過路處安裝新型輔助裝置,提醒行人唔可以喺「紅色人像」燈號亮着時橫過馬路,方法係用紅光投向站喺路邊嘅行人,等佢哋留意。Kelly覺得呢個「紅光照人」方法係好橋,光打落手機屏幕上,仲可以提醒大家唔好做「低頭一族」O添。

呢個新嘅輔助裝置,會喺「紅色人像」燈號亮着嘅時候,將一束紅光投射到行人路嘅等候過馬路嘅位置上,透過由地面或手機反射嘅紅光,提醒站喺路旁等過馬路嘅行人,尤其是低頭注視手機嘅行人。有關裝置本月起陸續安裝喺四個路口嘅行人過路處,包括銅鑼灣波斯富街/富明街、荃灣街市街近仁濟醫院、沙田正街近沙田市中心巴士總站,以及窩打老道/禧福道。

Kelly提提大家,經過上述路口,見到紅光照人,唔使覺得奇怪,反而要更加注意路面情況,千祈唔好衝紅燈,一定要綠燈先好過馬路呀!
Kelly Chu

hd