任睇No.1
  • 33º
  • 67%
  • 2022年8月16日 星期二

KellyChu - 珍貴黃牛木瀕危裳鳳蝶成打卡對象 哥爾夫球會同樂日 逾5000市民參加|Executive日記

慶祝香港回歸二十五周年嘅民間活動,精采多姿。香港哥爾夫球會前日喺粉嶺球場舉辦「香港哥爾夫球會同樂日」,吸引逾五千名市民參與,舊球場內嘅古樹尤其係彌足珍貴嘅黃牛木,同埋繽紛多采嘅蝴蝶園,成為好多人嘅打卡首選。

咁好玩嘅節目,Kelly當然有參加啦,喺草地散吓步,呼吸新鮮空氣,心曠神怡。好多家長盛讚呢次活動值得推廣,可以讓佢哋嘅小朋友認識大自然,大家都稱讚球場嘅保育工作做得非常好,沿途嘅樹木茁莊成長,草坪茂盛,睇得出花了好多心思去保養。

粉嶺舊球場內嘅黃牛木同水松林群組所組成嘅次生林,係難得一見嘅保育成果,且一直為保育人士所稱頌。為讓參與者認識好多經逾百年才長成嘅植物,高球會安排導賞員為大家解說這物種嘅生態特性,有興趣者還可走進次生林裏一嘗被群樹還抱嘅感覺!而舊球場內嘅蝴蝶園成為了小朋友嘅至愛,當見到裳鳳蝶,佢哋都發出歡呼聲。球場至今發現一百一十三種蝴蝶,當中十五種極具保育意義。

Kelly提提大家,香港哥爾夫球會喺舊球場一號至三號洞設有「日落步行徑」,每天晚上六時至十時開放,毋須預約,大家想親親大自然,可以帶埋朋友仔去。
Kelly Chu■舊球場內的黃牛木成打卡對象。
■舊球場內的黃牛木成打卡對象。

hd