任睇No.1
  • 28º
  • 81%
  • 2022年9月29日 星期四

KellyChu - 主持傳媒導賞 一哥話防騙好重要 百歲舊油麻地警署將開放|Executive日記

重要嘅事情,要不斷講多幾次,大家先至會警愓。上周六,警務處處長蕭澤頤喺「舊油麻地警署」開放日嘅傳媒導賞活動上,向一批老編話,本港嘅騙案好猖獗,每半個鐘頭就發生一宗,呼籲公眾要小心。而開放日俾參觀者玩嘅互動設施中,有由羈留監房改成嘅虛擬遊戲,提醒大家唔好咁容易俾人呃。

今年係舊油麻地警署建成一百周年,警務處將於八月六日至八月七日及八月十三日至八月十四日喺「舊油麻地警署」舉辦為期四天的開放日。上周六率先舉行傳媒優先場,一哥蕭澤頤向各報媒嘅老編介紹舊油麻地警署嘅歷史,佢趁發言時提到,二○二一年全年嘅騙案,一共呃去六十五億元,平均每半小時就發生一宗,Kelly聽到都O晒嘴。

所以警方喺嚟緊嘅開放日中,除咗擺設好多警察以前使用嘅用具,等大家了解下歷史,仲回顧一下喺油尖旺區發生嘅大案之外,仲設攤位遊戲,等大家玩嘅時候,加深了解警方維護治安、除暴安良嘅工作,其中有幾個舊嘅羈留監房,加上虛擬遊戲,俾參觀者置身其中,了講解騙徒嘅手法,等大家加倍防範,唔好中招。

另外,一哥蕭澤頤又講到自己做警察咁多年,一直想被調到油尖旺工作,但就未有機會,今次終於可以身在油麻地警署,負責講解油尖旺嘅警察歷史,可以話圓咗佢小小嘅心願了。
Kelly Chu■一哥主持傳媒導賞活動。
■一哥主持傳媒導賞活動。

hd