KellyChu - 日收30公噸園林棄置物 Y•PARK化廢為寶 塌木變傢俬｜Executive日記
KellyChu
2022-08-02 00:00
字體大小
化枯朽為神奇，喺屯門曾嘴Y‧PARK「林‧區」俾Kelly嘅感覺。Y‧PARK去年起營運至今，一共接收約一萬公噸園林廢物，每日接收約三十公噸嘅棄置物，主要來自植物修剪保養同工程項目，經轉化後成有用嘅木材，主要供應畀政府部門。
Y．PARK佔地約二點五公頃，去年六月二十九日投入運作，前身係處理一八年颱風「山竹」塌樹嘅臨時園林廢物回收場。喺Y‧PARK內，由傢俬木櫃、木桌、木椅，到酒杯架、開瓶器，都係利用「山竹」襲港時嘅塌樹製成。原本需要廢棄嘅樹木，有啲變成樂器，有啲化身成藝術品作裝飾用途，如鼓勵珍惜食物的「大嘥鬼」，延展「生命」活力。Kelly覺得好有心思，真係想拎返屋企擺放。
環保署高級環境保護主任賴峻傑話，運作首年每日接收三十公噸園林廢物，逾七成來自政府工務工程同植物保養所移除嘅樹木和樹枝。一般樹枝能切碎成木碎，作為泥土覆蓋物，部份政府部門已率先採用。佢期望可處理多一倍的數量，為業界提供穩定木材供應，促進碳中和及零廢堆填。
Kelly Chu
Y．PARK佔地約二點五公頃，去年六月二十九日投入運作，前身係處理一八年颱風「山竹」塌樹嘅臨時園林廢物回收場。喺Y‧PARK內，由傢俬木櫃、木桌、木椅，到酒杯架、開瓶器，都係利用「山竹」襲港時嘅塌樹製成。原本需要廢棄嘅樹木，有啲變成樂器，有啲化身成藝術品作裝飾用途，如鼓勵珍惜食物的「大嘥鬼」，延展「生命」活力。Kelly覺得好有心思，真係想拎返屋企擺放。
環保署高級環境保護主任賴峻傑話，運作首年每日接收三十公噸園林廢物，逾七成來自政府工務工程同植物保養所移除嘅樹木和樹枝。一般樹枝能切碎成木碎，作為泥土覆蓋物，部份政府部門已率先採用。佢期望可處理多一倍的數量，為業界提供穩定木材供應，促進碳中和及零廢堆填。
Kelly Chu
更多文章
