任睇No.1
  • 31º
  • 71%
  • 2022年10月4日 星期二

KellyChu - 「十本好讀」頒獎 阿濃又「冧莊」|Executive日記

第十九屆「十本好讀」頒獎典禮日前喺中央圖書館舉行,Kelly發覺,本土作者作品喺中學生組佔大多數,十本中學生最愛書籍中,香港作者嘅作品佔咗七本,睇嚟大家都鍾意一啲同自己生活息息相關嘅好書。

今年「十本好讀」投票人數創歷屆新高,一共有四百七十一間學校參與投票,投票人數達四萬五千人,比上年勁增五倍!得獎書籍類別多元化,涵蓋科學、推理、繪本、社區文化、歷史、文學等。今屆「小學生最愛作家」同「中學生最愛作家」分別由一樹同阿濃奪得,阿濃已經係第四度奪得呢個獎項,犀利!Kelly留意到,有好多充滿香港本土特色嘅書都喺中學教師推薦書籍榜上有名,包括《屋邨尋味記》、《香港遺美——香港老店記錄》等。呢啲書帶領讀者由現代返到舊香港,仲呈現香港獨特嘅城市氣息添。Kelly都搵返本推薦書睇下先!
Kelly Chu

hd