KellyChu - 坐巴士巡旺角 叮囑大家用消費券撐起經濟 財爺飲啖茶食個包!|Executive日記

第二輪消費券首階段發出咗四日,唔知大家使成點呢?Kelly買咗好多嘢啦。「財爺」陳茂波之前就話會用嚟歎杯靚茶,昨天佢就去咗旺角,睇下大家消費券用成點,仲去咗茶餐廳歎奶茶食菠蘿包呀!Kelly要好似財爺咁,拎消費券食歎杯靚絲襪奶茶食個包先!

財爺落區,十分貼地,坐巴士去旺角視察,車上面嘅乘客同司長有講有笑,friend過打band。落車之後,財爺去咗金魚街視察,有熱心嘅市民就同司長講,話會買禮物畀屋企人,仲同財爺合照留念。

之後,財爺去咗附近嘅老字號金華冰廳,又歎奶茶,又食菠蘿包,認真識歎。跟住財爺就去咗女人街同商戶傾計,有老闆話生意多咗,多謝波哥咁話。財爺話,經濟短期內難免受壓,希望消費券分階段發放,可以提振經濟。佢仲話,只要大家一起努力消費,撐起經濟,捱過呢個暫時嘅低潮,香港前景仲係好亮麗㗎。小妹同意財爺所講,依家就即刻落街,用消費券撐起經濟先!
Kelly Chu
更多文章