任睇No.1
  • 26º
  • 92%
  • 2022年10月1日 星期六

KellyChu - 旅發局4.8萬份獎賞3句鐘搶晒 「夏日賞賞你」尚有大日子!|Executive日記

旅發局為慶祝香港回歸二十五周年,舉行「夏日同賞.就在香港」嘅「夏日賞賞你」獎賞計劃,為市民送上二十萬份限量獎賞。第三批昨日中午十二時推出,涉逾四萬八千份限量獎賞,Kelly知道好搶手,當然搶埋一份,結果喺三個小時內便領取完畢。

新一批獎賞,涵蓋六十二個景點及「優質旅遊服務」計劃認證嘅餐飲、零售商戶等,內容都好吸引,包括鏞記酒家單一消費滿一千元,即減七百五十元;牛涮鍋二五折,優惠價七十二元,享用原價二百八十八元嘅一人放題。除咗食,當然唔少得零售買好嘢着數,好似有金至尊珠寶購買正價珠寶鑽飾或定價黃金貨品滿三千元,減二千元等。

旅發局朋友同Kelly講,今次攞唔到嘅市民都唔使太失望,「夏日賞賞你」獎賞計劃最後一批獎賞,將會喺本月二十五日星期四,都係中午十二時開始推出,記得呢個大日子啦!而其中獎賞有香港迪士尼樂園一日門票連美食餐券,減二百五十元;富臨酒家(燒鵝大王)凡單一消費滿一百元,即減七十五元。
Kelly Chu

hd