任睇No.1
  • 28º
  • 81%
  • 2022年9月29日 星期四

KellyChu - 港鐵力撐創科生態圈 夥科技園搞生活實驗室 |Executive日記

唔知大家坐港鐵嗰陣有冇用港鐵App睇車程時間呢,Kelly就成日用,大家有冇感受到大數據同創新科技嘅便利呢?日前,港鐵同香港科技園合作,就創新科技應用、數據協作同埋共同投資創科企業,訂立為期三年嘅合作框架,其中搞生活實驗室,概念好IN。

雙方會喺合適嘅地方例如車站、港鐵商場或物業等設立生活實驗室,作為應用場景,驗證由創科企業度身訂造嘅解決方案,應對港鐵不同業務範疇嘅挑戰,遲啲仲可能擴展至港鐵外地嘅網絡。今次合作嘅另一個重點就係探討大數據嘅應用,共同推動大數據協作環境。另外,佢哋都會喺香港挑選具潛質嘅創科企業做共同投資對象。港鐵主席歐陽伯權博士話,希望透過投放資源支持創科生態圈同埋培育初創企業,幫手打造香港成為智慧城市。科技園公司主席查毅超博士就話,好期待將科研成果,幫港鐵提升營運效率,讓市民出行更便利。
Kelly Chu

hd