KellyChu - 港麻雀數量升近4成 原因不明|Executive日記

Kelly出街,成日見到麻雀,唔講唔知,最新嘅全港麻雀普查估算香港市區有約二十八萬七千隻樹麻雀,較去年上升三成六,數量回升嘅原因未明。

香港觀鳥會第七年普查麻雀嘅數量,普查員五月分組在全港八十八條一公里長路線數算麻雀數目,按結果推算出全港約有超過二十八萬隻麻雀,數字由去年大約二十一萬隻嘅低位反彈。康樂及休憩區、住宅區、鄉村區及工業區錄得嘅數量上升,當中以休憩用地、亦即公園的升幅最大;若果以全港十八區劃分,深水埗繼續是最多麻雀聚集嘅區域,屯門區及黃大仙區緊隨其後。至於雀口上升嘅原因,可能係氣候、食物多寡、疾病等眾多因素影響,Kelly好想知佢哋繁衍嘅原因,研究員加油搵出答案吧。
Kelly Chu
更多文章