KellyChu - 惠康「鮮」級市場進駐葵涌 設多個食材專區|Executive日記

最近惠康「鮮」級市場(Wellcome Fresh)正式進駐新界西,新店選址葵涌商場,佔地超過一萬五千呎,搜羅世界各地超過四十五個地區嘅優質食品,鮮活食材種類更多達一千一百種,價格超值抵買,為顧客提供一個舒適購物體驗!Kelly好like。

Kelly得知新店設多個食材專區同食街,人氣泰國餐廳「金泰子」同四十年老字號「聯豐粉麵廠」更係首度進駐葵涌區,提供泰菜同腸粉麵食,新店仲有惠康首個日式熟食壽司櫃位,聽見都流口水!

麵包櫃位推出咗優惠新品「金甜芝士吐司」,仲有必試人氣單品「月島芝士撻」,撻底由日本直送,配上日本芝士醬同澳洲忌廉芝士,加上一千零二十四層酥脆皮嘅 「鮮果拿破崙蛋糕」,一向都鍾意食甜品嘅Kelly梗係唔會錯過佢啦!開幕期間,新店推出限定優惠,原條鮮活沙巴龍躉限時只賣八十八蚊,要快啲去掃貨先!
Kelly Chu

hd