KellyChu - 樓上大排檔「東寶小館」突結業|Executive日記

喺北角嘅樓上大排檔「東寶小館」,突然傳出結業消息,食環署指大排檔涉租務問題,須終止其租約,並於明天前將攤檔工具清走。

呢個消息引起好大迴響,因為呢間有三十年歷史嘅大牌檔,小菜好出色,吸引唔少名人到訪,好多人接受唔到突然結業嘅消息。據店方講,收到食環署信件,指小館經營時持牌人不在場,違反租約條款,曾於八月初發出《擬終止租約通知書》,小館作書面申述,但署方拒絕接納,並決定九月二日終止租約。店方感徬徨,形容食環署做法「不近人情」、「趕盡殺絕」。監警會前委員鄭承隆亦喺facebook發文話,「疫情打唔底東寶,食環一個通知就玩完」,批評食環署「手法好差」。小妹截稿前,仲未收到食環署嘅回應。
Kelly Chu
更多文章