KellyChu - 中秋捐血成功者可獲贈月餅｜Executive日記
KellyChu
2022-09-09 00:00
字體大小
中秋佳節來了，係家人共敍天倫嘅日子，但大家沉浸在幸福感當中，也要心繫有需要救助嘅人。香港紅十字會輸血服務中心就呼籲市民，喺中秋佳節與親朋好友一同踴躍捐血救人。中心舉例，話臨近中秋節，梁氏三姊妹以「梁氏開心大家庭」名義，三代同堂預約於施彭年紀念總部捐血站一齊捐血，其中七十八歲嘅梁婆婆係一位O負型血捐血者，屬罕見血型，每一千人大約只有七人有，佢年輕時就深明捐血救人嘅重要性，直到「榮休」告別捐血行列，共捐血三十六次。中心為感謝梁婆婆嘅熱忱及多付出，送上一張精心製作、貼上以往負型血捐血者專屬紀念水晶嘅證書，以作表揚。與中心一同構思呢個驚喜嘅三妹感動地分享：「我哋深信生命影響生命。媽媽以行動感染我哋捐血，我哋又感染丈夫、孩子一同捐血，一代傳一代。希望捐血能成為我哋家族嘅一份堅持、一份傳承！」梁氏一家三代人至今捐血逾二百包。Kelly真係畀個大like。
為咗答謝市民支持，亦適逢捐血服務七十周年，中心為捐血者製作咗「捐得是福」月餅，凡於九月八日至十二日期間喺捐血站、捐血車及流動捐血點成功捐血，即可獲贈一個。
Kelly Chu
為咗答謝市民支持，亦適逢捐血服務七十周年，中心為捐血者製作咗「捐得是福」月餅，凡於九月八日至十二日期間喺捐血站、捐血車及流動捐血點成功捐血，即可獲贈一個。
Kelly Chu
更多文章
