任睇No.1
  • 28º
  • 85%
  • 2022年9月30日 星期五

KellyChu - 消委會地靈人傑出高官新主席如意算盤打得響|Executive日記

消費者委員會呢個名,Kelly細細個就聽過!仲跟住佢哋嘅建議消費,就一定唔會中伏。消委會每個月出版嘅《選擇》月刊,教人點買點揀物有所值嘅消費產品,其實個機構本身都好地靈人傑,幾十年嚟各個主席、委員,唔少係高官潛力股,上升到政府嘅管治架構。

Kelly 睇番記錄,現屆律政司司長林定國同審計署署長林智遠,都係啱啱退任嘅消委會主席同委員;連財經事務及庫務局前局長陳家強,同運房局前局長張炳良都係由消委會主席張櫈轉去做局長。另一位消委會前主席黃玉山教授,係港區全國人大代表,消委會真係升官嘅風水寶地。
  最近接替林定國出任消委會主席嘅陳錦榮本身亦係猛人,揹唔少公職,又係會計界響噹噹嘅人物。上任咗消委會主席無幾耐,上周馬不停蹄,為消委會最新一份有關電子商務人工智能嘅研究報告開記招、接受唔同傳媒採訪,推動香港發展負責任同符合道德嘅人工智能,喺新常態下,極具遠見。Kelly好期待睇吓嚟自會計界算盤打得響嘅陳主席,帶領每年只有大約1.2億政府撥款嘅消委會,為港人創造出更多物超所值嘅成果。
Kelly Chu

hd