任睇No.1
  • 18º
  • 76%
  • 2022年12月9日 星期五

KellyChu - 會議卡罅時間勤拍片 保安局長揭破電騙黨|Executive日記

保安局呢排好忙,一方面要對付東南亞「賣豬仔」黨,另一方面又籌備「逆向隔離」,仲有好多政策性工作,但保安局局長鄧炳強幾忙都好,趁會議接會議之間嘅罅隙時間,甚至喺放工之後拍短片,放上社交平台,向公眾發出有用嘅信息,最新一條片係佢親身訪問一名「騙徒」,踢爆佢呃人去柬緬做豬仔。

「賣豬仔」黨好猖獗,多名港人墮入東南亞國家求職騙案,人身自由受限制。鄧炳強喺最新短片中以專訪形式,面對盤問一名「騙徒」,要佢講出點樣呃人到外地非法工作,又問到「究竟有咩人容易上當,咩人無咁易落入圈套?」,希望市民「睇完,唔好再受騙」。Kelly睇完都笑咗。

咪以為拍短片係輕鬆事,事關局長日理萬機,會議一個接一個,不在話下,又經常出席公務活動,製作團隊要好機警,一早度好劇本俾佢過目,見佢喺會議陣之中一有空檔,差不多要捉住佢拍,而且要快手完成,唔好阻住局長下一個工作日程。就以揭破騙徒圈套呢條片,係局長放工之後,仲喺出席活動之間,抽約十分鐘拍成,難得佢好淡定,聽講無乜NG!

大家唔知嘅係,局長周末放假都不忘工作,好似之前一個周末,佢就帶電台記者去遊沙頭角,仲接受訪問,介紹呢個新開放嘅旅遊景點,玩足大半日,而且佢唔係去一次,之前好多個周末已帶過傳媒及持份業界去視察多次。
Kelly Chu

hd