KellyChu - 善心讀者捐錢 力撐愛心食店|Executive日記

疫症無情人間有愛,本報七月時曾報道尖沙嘴麼地道一間茶記老闆Jason,即使生意難做每月蝕錢,仍不忘做善事,每周抽三、四晚時間,向尖沙嘴和深水埗嘅露宿者派發免費飯盒。Kelly知道報道出街後,感動無數市民,有善心讀者更向Jason捐贈五千元,希望出點綿力,支持派飯行動。

記者把支票送畀Jason簽收,佢話報道出街後,帶起正面作用,「有一晚收到一名女士電話,佢話替公司訂飯盒時,多咗三十個,可以捐出來送畀露宿者,我就立即去攞。」另外,茶記唔少客人知道佢嘅善舉後,紛紛讚好,又或拍拍佢膊頭以示鼓勵,「我都係能力範圍內幫到幾多就幾多。」他又感謝捐出費用嘅讀者,話好開心自己所做嘅事得到認同,一定會堅持落去,繼續向弱勢社群送暖。
Kelly Chu
更多文章