KellyChu - 鄧炳強訪隔離營 試做「蜜蜂天使」|Executive日記

近日嘅染疫人數徘徊係七、八千,都唔知疫情幾時先消退,Kelly唔少朋友都中招,要入住隔離營,好在有賴一批工作人員喺營中照顧入住者嘅需要,佢哋被稱為「蜜蜂天使」,可能與佢哋經常喺多個格仔房穿梭工作有關。身為統領各隔離設施最高負責人嘅保安局局長鄧炳強,昨天就入去竹篙灣社區隔離設施,親身體會「蜜蜂天使」嘅艱辛。佢穿上保護衣,為隔離人士送上物資,期間有機會同營友傾談幾句,了解一下佢哋對隔離設施嘅意見,得知大家大致滿意,尤其感謝工作人員嘅照顧,令局長覺得「蜜蜂天使」嘅辛勞係值得嘅!

Kelly見到營中貼上一張關愛餐單,寫上不同房間人士嘅飲食需要,好似要粥或飯,不吃魚或不吃牛,又話要食豬,要求多樣化,但當局都一一滿足,好有愛。
Kelly Chu

hd