任睇No.1
  • 28º
  • 75%
  • 2022年9月27日 星期二

KellyChu - 螞蟻兵團全球2萬兆隻|Executive日記

俗語「蟻多摟死象」,據港大研究團隊估算,全球至少有二萬兆隻蟻,以重量計算,已超越所有野生鳥類和哺乳動物嘅總和,亦可換算為人類生物量(Biomass)嘅兩成。Kelly覺得,真係唔好睇少螞蟻兵團。

數螞蟻都好大工程,港大話研究人員一直努力考察全球螞蟻種群,然後把收集得來、數以千計螞蟻樣本逐一識別,把結果發表喺學術期刊。因此能夠從接近五百個來自各國研究數據,量化全球各地螞蟻密度,估算出地球上螞蟻總數。

港大生物科學學院昆蟲生物多樣性與生物地理學實驗室嘅團隊,指呢個數量好龐大,有助進一步研究螞蟻,保育全球生態系統同物種。研究發現,螞蟻喺全球陸地表面分佈不均,熱帶地區比非熱帶地區擁有更多螞蟻,喺森林及乾旱地區嘅種群數量亦非常豐富,而喺人造棲息地,好似國家公園、動物園等,則唔係咁常見。由於分佈不均,令佢地對生態環境本來可發揮嘅作用,例如分解、害蟲控制,造成潛在影響。
Kelly Chu

hd