KellyChu - 海洋公園植銀杏樹 紀念大熊貓安安|Executive日記

大熊貓安安今年七月逝世,為咗紀念安安,海洋公園昨日舉行咗植樹儀式,將安安嘅骨灰埋喺安安故居前一棵新種植嘅銀杏樹下,希望以生命延續生命。Kelly覺得園方好有心,大家去海洋公園嗰陣,記得參觀下!

文化體育及旅遊局局長楊潤雄,同海洋公園公司主席龐建貽主持植樹儀式,將安安嘅骨灰,埋係安安故居前一棵新種植嘅銀杏樹下。海洋公園話,經中國大熊貓保護研究中心同意後,公園同特區政府決定保存安安部份遺體作生物樣本,用嚟做組織病理學研究。園方會保存安安嘅皮毛,但骨架就會送到香港城市大學,作獸醫科學、教育及科研用途。至於安安身體餘下部份,就已經火化。

龐建貽期望,中央考慮再送大熊貓畀香港。楊潤雄就話,安安陪伴香港人二十三年,帶畀市民同旅客好多歡樂、難忘嘅時刻,而係海洋公園及專員專業團隊悉心照料下,安安成為全球在人類照顧下最長壽嘅大熊貓,佢對此表示感謝。
Kelly Chu

hd