KellyChu - 職安健修例討論火藥味濃 發言屢遭截停 8建制離場 |Executive日記

本港完善選舉制度後,立法會討論民生議題嗰陣,雖然有時火藥味濃,但Kelly覺得反映議員緊張民生。昨日喺立法會一個有關修訂職安健條例嘅委員會上,多位議員認為,委員會主席陸頌雄要「趕住通過」修訂,不斷截停議員發言,結果有八名議員不滿離場。
  議員陳曼琪離場前批評陸頌雄:「你根本就係要過!你根本就唔尊重我哋!我好唔滿意,我要離場!」不過,陸頌雄會後就解釋,議員發問重複,所以有必要截停。

會議進入逐條審議環節嗰陣,火藥味濃,陳曼琪一提出追問,就被陸頌雄截停。但隨後陳曼琪批評陸頌雄沒注意到條文嘅嚴重性,之後,佢同其餘七位議員離場,包括江玉歡、郭玲麗、龍漢標、邵家輝、李鎮強、陸瀚民及陳紹雄。

陸頌雄認為,有關議員唔係「離場」,只係「暫時離開」。
Kelly Chu陸頌雄
陸頌雄

hd