KellyChu - 美總領事豪華餅店食蛋撻|Executive日記

開業近半世紀嘅九龍城「豪華餅店」原定昨日最後營業,雖然幸運獲白武士打救,會喺明年改名「香港豪華餅家1977」原址重開,但唔少人依然感到不捨,昨日餅店外依然大排長龍,其中就包括美國駐香港及澳門總領事館的新任總領事梅儒瑞(見圖)。佢喺美國駐港澳總領事館facebook專頁發文話,「聽到有老餅店結業嘅消息之後,我去咗九龍城品嚐一下舊式地道蛋撻嘅味道。」

梅儒瑞又話:「當我開始認識(香港)呢個新嘅家嘅時候,還有冇啲咩嘢香港傳統,大家建議我去睇吓試吓呢? 」帖文獲不少網民回覆,其中有人話:「有冇試過涼茶,一定要試」。美國駐港澳總領事館亦都回覆:「多謝介紹!」
Kelly Chu
更多文章