KellyChu - 25日高峰最美 持續至下月初 「獵戶座」流星雨 長夜多浪漫｜Executive日記
KellyChu
2022-10-03 00:00
字體大小
天文愛好者有眼福喇！「獵戶座」流星雨昨晚起進入雨季，為期超過一個月，天文台預計本港觀測嘅條件良好，相信大家好大機會親眼目睹流星雨。「獵戶座」流星雨高峯期係十月二十一日嘅星期五，最佳觀星時段就喺深夜至凌晨，可以見到流星雨劃破長空。漫漫長夜睇流星，Kelly就覺得好浪漫！
天文台話，「獵戶座」流星雨昨晚起進入雨季，會持續到十一月七日。不過，昨日局部地區有驟雨，夜晚大致多雲，而未來九日受東北季候風影響，持續驟雨及有雲，所以好可能影響觀看。但天文台預計，喺本月二十一日嘅星期五，「獵戶座」流星雨將迎來高峯期，最佳觀星時段係當晚十點半至翌日凌晨四點，屆時估算每個鐘會有二十粒流星略過。
觀賞流星雨，喺光害嚴重嘅香港市區，比較困難，所以要搵合適嘅地點，最好喺漆黑嘅戶外。Kelly建議大家去西貢天文公園、大美督主壩，或者西灣觀星台，「追星」都易啲！
Kelly Chu
天文台話，「獵戶座」流星雨昨晚起進入雨季，會持續到十一月七日。不過，昨日局部地區有驟雨，夜晚大致多雲，而未來九日受東北季候風影響，持續驟雨及有雲，所以好可能影響觀看。但天文台預計，喺本月二十一日嘅星期五，「獵戶座」流星雨將迎來高峯期，最佳觀星時段係當晚十點半至翌日凌晨四點，屆時估算每個鐘會有二十粒流星略過。
觀賞流星雨，喺光害嚴重嘅香港市區，比較困難，所以要搵合適嘅地點，最好喺漆黑嘅戶外。Kelly建議大家去西貢天文公園、大美督主壩，或者西灣觀星台，「追星」都易啲！
Kelly Chu
最Hit
更多文章
