KellyChu - 為旅遊業服務20年 同旅發局4任主席共事 梁美寶12月離任|Executive日記

公關界有重要新聞,旅發局企業事務總經理及美洲區域幹事梁美寶(Cynthia)將於十二月離開旅發局,為佢二十年嘅服務畫上完美句號。喺呢二十年,佢對外推廣香港形象,不遺餘力,係香港嘅親善大使。

Cynthia幫助旅遊業吸引旅客,而且喺公關、旅遊等多個界別有廣闊人脈,稱得上係公關高手。佢話好開心可以服務旅發局同香港,離任前先放下假,「停一停休息一陣」,期望之後可以開啟人生新篇章。

梁美寶喺過去二十年,歷經旅發局四任主席、三任總幹事,包括前旅發局主席周梁淑怡、田北俊、林建岳、現任主席彭耀佳;前旅發局總幹事臧明華、劉鎮漢、現任總幹事程鼎一,長期成功推廣香港形象,好叻!Kelly喺呢度都祝願梁美寶休息完之後,前程錦繡!
Kelly Chu
更多文章