KellyChu - 中大及國際團隊雷射技術探究恐龍|Executive日記

恐龍絕種咗好耐,想知佢哋點樣飛,以往只能憑空想像,但中文大學及國際古生物學家組成嘅研究團隊,就利用雷射成像技術,喺化石發現咗支撐古代飛行恐龍撲翼嘅軟組織,了解到恐龍嘅肌肉構造,如何有利飛行。 

研究團隊利用雷射螢光成像技術,應用喺一千多件從中國東北出土嘅近鳥類飛行恐龍化石樣本,檢視依附着肩部與胸部位置嘅組織,作定量骨骼重建。中大生命科學學院助理教授文嘉棋話,透過技術觀察到難以被發現嘅軟組織,證實恐龍嘅祖先利用肩膀肌肉,為上拍飛行提供動力,以及胸部肌肉為下拍飛行提供動力。被研究嘅化石樣本,包括活躍於一億二千五百萬年前嘅早期有喙鳥類孔子鳥,組織重構顯示該鳥類嘅胸部肌肉比較弱,而肩部肌肉則比較強壯,對孔子鳥飛行提供最早期證據。

研究結果已經喺國際科學學術期刊《美國國家科學院院刊》發表。
Kelly Chu

hd