KellyChu - 首屆香港運動及健康博覽明亞博舉行|Executive日記

運動健兒有好消息!首屆香港運動及健康博覽今個星期五至星期日喺亞洲國際博覽館舉行,今次博覽會集健身、瑜伽、體能耐力賽同生活休閒於一身,屆時將設五大主題舞台,包括 NTC 體能專區、國泰瑜伽舞台、HYROX體能耐力賽、生活休閒博覽同健身大本營,其中HYROX體能耐力賽係首次喺亞洲舉行,大家唔好錯過!

來自德國嘅全球最大型體能耐力賽HYROX會喺全球十四個國家比賽,而今次香港就係亞洲首個舉辦賽事嘅地區。HYROX包括一公里跑步,完成每公里之後,要緊接着功能性健身訓練,重複八次。參賽者共跑八公里,完成八個唔同嘅功能性訓練。HYROX比賽會喺本月十九及二十日舉行,參賽者年齡需十六歲至七十歲或以上,大家可在公開賽或精英賽以個人身份參加比賽,亦可結伴組隊。
Kelly Chu

hd