KellyChu - 麥當勞夥商台推「一月一日SHOW畀你睇」|Executive日記

香港麥當勞做善事一向不甘後人,適逢樂壇年度盛事《二〇二二年度叱咤樂壇流行榜頒獎典禮》會喺明年一月一日舉行,麥當勞再度同商業電台881903合作,推出「一月一日SHOW畀你睇」活動,大家只需即日起至十二月四日,成功登記為麥當勞App用戶,並喺手機或餐廳內的點餐機掃描麥當勞App內指定捐款券,成功捐贈九十點三元畀香港麥當勞叔叔之家慈善基金,就有機會獲得一票難求嘅叱咤頒獎禮門票兩張。

麥當勞話,今次捐款活動會按特定序列,選出一百名得獎者,每位得獎者可獲活動門票兩張,捐款券可以重複使用,但每位合資格參加者最多可獲獎一次。得獎結果將於十二月十五日通過登記電郵公佈。Kelly喺呢度誠邀大家齊齊延續愛心,為香港麥當勞叔叔之家慈善基金嘅受助病童籌款!
Kelly Chu

hd