KellyChu - 華懋連繫社區投入世界盃 CEO蔡宏興親臨中環街市Oasis開幕禮|Executive日記

四年一度嘅世界盃火熱進行緊,華懋集團日前就喺中環街市Oasis舉行「親『動』融入世界盃 World Cup for All」聯繫社區活動開幕儀式,華懋集團執行董事兼行政總裁蔡宏興、香港足球總會副主席霍啟山、國際獅子總會中國港澳三○三區總監冼健岷,及松齡護老集團行政總裁陳業強主禮。

「親『動』融入世界盃 World Cup for All」活動會有超過十場,由華懋集團、國際獅子總會中國港澳三○三區,及青年獅子區及松齡護老集團合辦,將邀請基層家庭、青少年、婦女同傷健人士,參觀中環街市同如心廣場,等佢哋可以一齊探索街市嘅歷史文化;參觀如心廣場嗰陣,仲可以一齊參與集體遊戲,享用晚膳,並觀賞足球賽事。而活動期間,香港足球總會將邀請香港足球隊教練及球員,為小朋友上足球教學班。

蔡宏興致辭時話,華懋集團一向積極履行企業社會責任,致力促進社會共融,很高興今次活動為社區創造獨特嘅多元化活動。霍啟山則指,足球教學班會喺每個周末舉行,希望市民可以透過感受足球嘅樂趣,繼續支持香港足球。
Kelly Chu
更多文章