KellyChu - 屯門驚見神秘藍光 真身原來係風箏|Executive日記

屯門夜空日前驚現神秘藍色直光,三三兩兩嘅燈光浮喺空中,有當地居民睇到滿腹疑問,於是有人拍低短片放上社交網站問:「有冇街坊知藍色嗰啲係咩黎?」唔少網友都發揮想像力,有人覺得係動畫《龍珠》嘅「比達同埋悟空?」;有人就話「UFO嚟,係巴魯坦星人嘅飛船」、「外星飛船」、「好似侵略地球」、「我見到係made in拿美星喎」。
  另有網民「覺得好似Marvel喎」、「復仇者聯盟同滅霸戰鬥」、「再唔係就因為下個月做《阿凡達2》,所以啲外星人慢慢嚟緊準備下個月去睇」。
  但最後,有知情網友就解答咗所有疑惑:「放風箏咋,三聖嗰邊成日有個叔叔會放風箏、你睇到嘅就係佢放,好長的」。
Kelly Chu

hd