KellyChu - 立會議員參觀煤氣廠 了解燃氣知識|Executive日記

香港中華煤氣有限公司一直研究同推動智慧能源發展,多位立法會議員日前就參觀咗大埔煤氣廠,了解公司嘅燃氣生產安全、能源發展同減碳進程,畀咗唔少有用意見,同時亦讚揚公司係減碳方面嘅努力。

葛珮帆、易志明、盧偉國、何君堯、陳紹雄、黃元山及張欣宇等多位立法會議員到煤氣公司大埔煤氣廠參觀,期間參觀咗煤氣生產廠房,了解煤氣生產過程同各項高規格安全措施,亦睇咗廠內最新設置嘅氫氣抽取系統。

接待嘅煤氣公司工程總監—香港公用業務敖少興話,公司一九六七年起已全面棄用煤原料,今日以天然氣、石腦油同堆填區沼氣為原料嘅「煤氣」中,氫氣含量高達約五成,強調氫能發電係新能源發展方向,公司亦研究緊發展喺管網中嘅煤氣抽取氫氣,提供價格相宜、更清潔嘅能源。
Kelly Chu

hd