KellyChu - 探討新生代消費觀 協恩中學「消化獎」摘冠|Executive日記

社會上好多人選擇及時行樂,出現咗「月光族」及「精緻窮」咁嘅新生代生活態度。協恩中學四名學生對呢個現象產生好奇心,喺指導老師同消委會嘅協助下,參加「消費文化考察報告獎」(消化獎),用「沒錢的貴族人生」為題作出深入考察,唔止贏得高級組冠軍,仲令到大家了解到新一代嘅消費概念。

同學嘅考察發現「精緻窮」意思,係鍾意追求高級品牌,享有較「精緻」嘅生活,但係因過度消費,造成入不敷支,唔似傳統慳儉同習慣儲蓄嘅諗法。唔少受訪嘅年輕人雖然唔認同「精緻窮」嘅概念,但又不自覺受到影響,消費嗰陣往往會不顧預算或購買能力,一心去買想要嘅嘢。哎呀,好似講中咗KellyO添!

完成「消化獎」後,四位同學不約而同咁表示獲益良多,冀望調查報告俾年輕人可以反思過度消費嘅習慣。Kelly都要慳家啲,要小心唔好使大咗。
Kelly Chu

hd