KellyChu - 昂坪360高清玻璃全景纜車 Crystal+亮晶晶登場|Executive日記

仲記得昂坪360推出透明底纜車車廂嘅時候,好多人都好鍾意驚驚地嘅好玩感覺,估唔到昂坪360再玩升呢,推出由法國製造嘅全景纜車Crystal+纜車車廂,四面採用全透明玻璃,上山車程,猶如凌空飛越群山大海,無遮無擋,飽覽大嶼山美景,仲可以影靚相share,好玩到極。

昂坪360坐擁大嶼山廣闊莊麗美景,繼推出透明車底嘅水晶車廂後,今年新登場嘅「全景纜車Crystal+」,帶來「更水晶」嘅享受。「全景纜車Crystal+」車廂底部及車廂四面均採用全透明強化玻璃,置身當中可以擁抱環迴360度嘅全景視野,飽覽港珠澳大橋、香港國際機場及天壇大佛等綺麗景色;仲有,「全景纜車Crystal+」採用嘅設計,令纜車內的視野景觀超過八成,精選玻璃格外晶瑩剔透,令視野更加清晰,毫無阻隔,景致盡收眼底,上落山都係視覺大享受。「全景纜車Crystal+」將於2022年12月10日開始正式投入服務,纜車門票即日起預售,賓客可享低至65折早鳥優惠。
Kelly Chu ■昂坪360董事總經理劉偉明及營運總管林宏志。
■昂坪360董事總經理劉偉明及營運總管林宏志。
更多文章