任睇No.1
  • 17º
  • 83%
  • 2023年2月4日 星期六

KellyChu - 消委會榮獲傑出董事獎|Executive日記

特首李家超一再強調政府要提升管治水平,其實香港一眾公私營機構同樣適用。香港董事學會日前舉行一年一度嘅「傑出董事獎」頒獎典禮,大家都金睛火眼,睇吓喺艱難嘅疫情下,邊啲公司或機構嘅領頭羊,可以憑藉卓越管治水平,贏得傑出董事獎嘅殊榮。Kelly就喺得獎名單中一眼睇到消委會榜上有名,喺法定/非分配利潤組織組別贏得傑出董事獎,實在要恭喜消委會主席Clement陳錦榮同佢嘅管治團隊!

大會評審高度評價消委會董事會成員不但具備優秀企業管治,仲符合今屆大會主題「適應轉變 持續發展」嘅要求,在過去兩年透過旗艦刊物《選擇》月刊,發表達三十三篇同節能減廢和環保有關嘅文章。其實早在二〇一三年,消委會一直將可持續消費列入三年期策略計劃嘅目標之一,咁努力又具環球視野嘅機構,難怪成為企業管治嘅典範。話說仲有一年幾消委會就踏入五十周年,一個咁歷史悠久嘅機構,能夠在管治上攞到份咁靚嘅驗身報告,抵讚!
Kelly Chu

hd