KellyChu - 港鐵推退役列車保育計劃 「烏蠅頭」延續第二生命|Executive日記

俗稱「烏蠅頭」嘅MLR中期翻新列車,自從東鐵線過海段通車,就已經全數退役,不過唔代表佢嘅使命會就咁完結。港鐵宣佈會同社區夥伴合作推動「退役列車保.傳計劃」,透過原卡保育、循環再用同埋升級改造車廂、部件等,令「烏蠅頭」可以活出「第二生命」,繼續服務社會。

港鐵指好重視陪伴市民多年嘅「烏蠅頭」車廂,盡量保留佢原貌。至於其餘嘅車卡,港鐵會以3R環保概念(減廢、重用、循環再造)作為原則處理。退役「烏蠅頭」嘅部件,例如座位、扶手都十分適合用嚟活化,直接服務市民,好似吊環扶手,港鐵員工就諗到將佢改裝成上肢體伸展運動器材,等公公婆婆喺屋企或者長者中心都可以活動吓。至於列車座位,港鐵就將佢贈送畀學校,等佢哋成為操場邊嘅座位。而列車車廂,港鐵就打算將佢改裝成戶外同流動課室,令佢哋成為小朋友獨特又有趣嘅學習點。Kelly都佩服港鐵咁有創意同環保!
Kelly Chu■將舊吊環扶手改裝成上肢體伸展運動器材,阿婆都可以練到變十八歲。
■將舊吊環扶手改裝成上肢體伸展運動器材,阿婆都可以練到變十八歲。

hd