KellyChu - 渣打藝趣嘉年華登陸西九 4米高巨型木偶及服飾匯演|Executive日記

渣打藝趣嘉年華每年最矚目嘅「巨型木偶及嘉年華服飾匯演」上個周末喺西九文化區藝術公園舉行,今年匯演以「狄更斯的聖誕」為主題,英國大文豪狄更斯筆下嘅角色都躍出書本,《聖誕頌歌》嘅守財奴史古基、《孤雛淚》嘅盜竊集團頭目費金等,一一化身為十一座四米高嘅巨型木偶,吸引大批市民入場打卡!Kelly都係狄更斯書迷,可以話呢個匯演,同小說一樣精采!

狄更斯筆下嘅角色,包括《聖誕頌歌》嘅守財奴史古基、《孤雛淚》嘅盜竊集團頭目費金、《塊肉餘生記》裏面樂觀相信事情總有轉機嘅米考伯、《遠大前程》堅持穿婚紗嘅郝薇香小姐等,都化身成為匯演中十一座四米高嘅巨型木偶。十一座木偶由六位本地專業藝術家及六十位中學生創作,每件作品平均製作時間達二百小時。巨型木偶帶住逾四百個穿上嘉年華服裝嘅青少年、舞蹈員同表演者,上個周末浩浩蕩蕩喺西九文化區藝術公園穿梭,吸引大批市民入場觀看,場面非常熱鬧。

除咗木偶巡遊,現場仲有十一個免費藝術攤位、新編劇場、舞台表演、非洲鼓樂坊、雜耍工作坊、九千件藝術作品展覽,以及拍照專區,好多人都忍唔住金!
Kelly Chu ■木偶巡遊吸引大批市民入場打卡。
■木偶巡遊吸引大批市民入場打卡。
更多文章