KellyChu - 故宮博物館首辦水墨藝術節 聖誕卡工作坊好得意|Executive日記

水墨藝術係我國嘅國粹,香港終於有「水墨藝術節」,並將於十二月中起假香港故宮文化博物館舉行。Kelly睇過展期中嘅活動,琳琅滿目,仲有好多有趣嘅工作坊,畀大家參加,小妹最想就係去聖誕卡水墨工作坊。

大華銀行與香港故宮文化博物館共同公佈,將於十二月十七日至三十日舉辦首屆水墨藝術節,讓觀眾體驗嶄新、獨特而多變嘅中國水墨藝術文化,節目包括 AR(擴增實境)互動體驗、專題講座、紀錄片放映、藝術工作坊,以及期間限定水墨藝術攤位,畀大家感受水墨藝術嘅氣韻同靈活多變嘅特質。

Kelly知道近年傳統嘅水墨藝術經數碼化之後,以嶄新、活潑嘅面貌同大家見面,令水墨藝術有新嘅生命力。

小妹除咗去參觀,仲想參與,實驗水墨工作坊、聖誕卡水墨工作坊、抽象水墨工作坊 ,吉語印章工作坊等都好想去體驗下。
Kelly Chu
更多文章