賽馬會禁毒資訊天地翻新後，周一起重新對公眾開放。保安局長鄧炳強就親自拍片宣傳，呼籲大家入場參觀。佢仲親身玩咗四個互動遊戲，期間同毒品扯大纜時，雖然「戰敗」，但都不忘呼籲：「原來掂咗毒品，點都係輸嘅」。
為豐富到訪人士嘅體驗，翻新後嘅禁毒資訊天地增設多項互動多媒體設施同裝置，鄧局長就率先為大家體驗下。佢先玩咗「『毒白』逐格睇」，裝置顯示，吸毒的其中一個原因是「型囉」，局長就話：「有型？吸毒絕對唔型」；跟住佢就試玩四個互動遊戲，其中玩到「樂活智道互動遊戲」嗰陣，佢開心幽默咁話：「咦，有驚喜喔，可以同牛下女車神（李慧詩）踩單車！」；而玩「逃出魔爪」同毒品扯大纜時，局長竟然「戰敗」，但不忘強調：「原來掂咗毒品，點都係輸嘅」。最後局長叮囑大家：「記住，一齊企硬，唔take嘢！」
禁毒資訊天地坐落金鐘道政府合署低座頂層，由香港賽馬會慈善信託基金捐助興建，○四年啟用，係香港首個以禁毒教育為主題的常設資訊及資源中心。禁毒資訊天地二一年二月暫停開放，進行大規模翻新工程，翻新後以「破繭而出」為設計主題，象徵着蛻變同轉化。
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}