KellyChu - 又到聖誕 7海濱推出限定聖誕裝置|Executive日記

過多兩個星期就到聖誕,七個海濱場地已經展出「期間限定」嘅聖誕裝置,同時仲舉辦系列聖誕歌舞表演同工作坊。Kelly仲知道,七個海濱所設嘅聖誕樹同裝置,都各以一種音樂或舞蹈為主題,等大家可以喺璀璨嘅維港景色下,享受一個浪漫聖誕!

今年海濱聖誕活動傳承「一個聖誕.一個維港」嘅理念,並以「Your Show Time」為主題 ,串連堅尼地城卑路乍灣海濱長廊、金鐘The Connector添馬至會展海濱長廊、灣仔HarbourChill海濱休閒站、灣仔水上運動及康樂主題區、銅鑼灣活力避風塘主題區、炮台山東岸公園主題區、荃灣海濱長廊共七個海濱場地。其中灣仔「HarbourChill海濱休閒站」,就會聳立一棵十一米高嘅巨型華爾滋舞聖誕樹,同時有音樂盒裝置播放管弦樂奏出嘅聖誕歌,浪漫十足。

另外,今日起一連三個周末,部份場地會舉行音樂表演、絲帶舞蹈表演同工作坊,費用全免。
Kelly Chu
更多文章