KellyChu - 旅發局「兔躍香港迎新春」 巨型福兔與市民拜年|Executive日記

香港開關,旅發局計劃下月全球大宣傳,再加送消費優惠券,吸引旅客重來,但在此之前嘅農曆新年,旅發局好有心,準備一系列新春景點,得意大兔仔蹦蹦跳出嚟,同大家拜年,畀港人一家大細觀賞同打卡,當然入境旅客會有份啦!

旅發局喺一月十九日至二月五月舉行「兔躍香港迎新春」活動,Kelly最like係一隻巨型福兔會爬上中環碼頭,同大家驚喜拜年。添馬公園會變成奇幻花海,逾二百朵巨型花卉同大家互動,打卡一定好靚。而灣仔海濱會建成二百米彩虹步道,畀大家穿梭夢幻光影。對岸尖沙咀亦有打卡立,多隻福兔會喺沿岸出現,大家搭天星小輪去搵佢哋,亦有機會喺渡輪上遇到福兔大公仔,航程上亦見到揚帆大福字嘅中式漁船,總之兔年福到人間,旅發局嘅心意真抵讚!
Kelly Chu

hd