KellyChu - 康文署辦綵燈展 與資深紮作師傅合作｜Executive日記
KellyChu
2023-01-13 00:00
字體大小
農曆新年就快到，康文署即日起至二月七日，就會喺香港文化中心露天廣場舉行市區春節綵燈展《兔來運轉．花燈迎新禧》，精心炮製一場火樹銀花、喜氣洋洋嘅視覺盛宴，藉此同市民喜迎兔年，歡度佳節。展期費用全免，大家快啲去感受下新年氣氛！
綵燈展嘅亮燈時間係每日下午六點至晚上十一點，署方今次同有三十多年紮作經驗嘅許嘉雄師傅合作，製作咗糅合寓意活潑跳脫嘅兔仔、龍精虎猛嘅醒獅，以及農曆新年應節食品同傳統點心嘅綵燈，為文化中心露天廣場添上喜氣洋洋嘅節慶色彩，同時亦向市民推廣傳統紮作技藝。
另外，康文署亦會喺一月三十一日至二月七日，分別喺北區公園同荃灣公園舉行唔同主題嘅元宵綵燈展，同市民共慶元宵佳節，詳情稍後公佈。
Kelly Chu
綵燈展嘅亮燈時間係每日下午六點至晚上十一點，署方今次同有三十多年紮作經驗嘅許嘉雄師傅合作，製作咗糅合寓意活潑跳脫嘅兔仔、龍精虎猛嘅醒獅，以及農曆新年應節食品同傳統點心嘅綵燈，為文化中心露天廣場添上喜氣洋洋嘅節慶色彩，同時亦向市民推廣傳統紮作技藝。
另外，康文署亦會喺一月三十一日至二月七日，分別喺北區公園同荃灣公園舉行唔同主題嘅元宵綵燈展，同市民共慶元宵佳節，詳情稍後公佈。
Kelly Chu
更多文章
