KellyChu - 康文署辦綵燈展 與資深紮作師傅合作|Executive日記

農曆新年就快到,康文署即日起至二月七日,就會喺香港文化中心露天廣場舉行市區春節綵燈展《兔來運轉.花燈迎新禧》,精心炮製一場火樹銀花、喜氣洋洋嘅視覺盛宴,藉此同市民喜迎兔年,歡度佳節。展期費用全免,大家快啲去感受下新年氣氛!

綵燈展嘅亮燈時間係每日下午六點至晚上十一點,署方今次同有三十多年紮作經驗嘅許嘉雄師傅合作,製作咗糅合寓意活潑跳脫嘅兔仔、龍精虎猛嘅醒獅,以及農曆新年應節食品同傳統點心嘅綵燈,為文化中心露天廣場添上喜氣洋洋嘅節慶色彩,同時亦向市民推廣傳統紮作技藝。
  另外,康文署亦會喺一月三十一日至二月七日,分別喺北區公園同荃灣公園舉行唔同主題嘅元宵綵燈展,同市民共慶元宵佳節,詳情稍後公佈。
Kelly Chu

hd