KellyChu - 迪士尼派利是 同遊客迎兔年|Executive日記

迪士尼迷注意喇!為迎接新年,香港迪士尼會喺年初一至初四,向遊客派發利是一封,裏面有商品同餐飲優惠券;樂園亦公佈咗今年下半年開幕嘅全新園區「魔雪奇緣世界」細節,Kelly見到就好期待,好希望快啲開幕入園玩下!

迪士尼話,大年初一至初四期間,會向樂園賓客派發StellaLou福兔臨門立體利是一封,內藏朱古力金幣、商品同餐飲優惠券。

新年期間入住樂園酒店,更可以體驗酒店獨家活動,例如StellaLou兔年萌粉賀禮、迪士尼兔年花市行大運等,等大家過一個奇妙新年!

同時,迪士尼公佈咗「魔雪奇緣世界」嘅細節同設施模型,例如園區最高點嘅「北山」、安娜曾喺《魔雪奇緣》中同漢斯王子共舞合唱嘅鐘樓、主題過山車「雪嶺滑雪橇」座位嘅模型等,睇落就好魔幻神奇,好期待!

另外,創辦人華特•迪士尼同米奇老鼠嘅銅像會喺今年十月推出,會命名為「創夢家」,向樂園的創辦人致敬。
Kelly Chu

hd