KellyChu - 狂賀高鐵復運旅發局港鐵送福袋畀旅客|Executive日記

停運近三年,高鐵昨早復運,首批內地遊客到埗後,即刻有驚喜!原來港鐵同旅發局早有準備,唔單止派專人到場迎接,仲送上精心挑選嘅大禮袋。其中港鐵嘅禮物就包括逾千元嘅消費折扣券同現金券;旅發局嘅禮物就好實用體貼,有sim card、口罩套,同手機抹布等,唔怪得大家左一袋右一袋,笑得咁燦爛!

乘首班高鐵列車到港嘅旅客,一行入車站抵港大堂,就受到身穿橙白耀眼制服嘅港鐵迎賓大使嘅熱情歡迎,而且即時收到大禮袋,裏面有合共一千元嘅Elements折扣coupon、五十元MTR Shop現金券、Captain Go迷你萬用包、高鐵口罩一盒、高鐵行李牌、消毒濕紙巾、原子筆和同便利貼等。

當日驚喜唔止一次,原來旅發局代表亦喺現場亦同旅客派禮品,裏面有電話sim card、口罩套、手機抹布等的實用物品;仲有充滿紀念價錢嘅紅白藍紀念包,裏面有天星小輪、電車模型、運動冰巾等,另外亦有歡迎卡同西九文化區宣傳單張。

有左一袋右一袋嘅旅客就笑住話,好多年無嚟過香港,估唔到一到站都未開始遊玩,就先收兩個大禮包,真係好開心!
Kelly Chu ■旅發局向旅客派發實用福袋。
■旅發局向旅客派發實用福袋。
更多文章