KellyChu - 李家超與太太十指緊扣出席活動|Executive日記

特首李家超上任後公務繁忙,出名「愛妻號」嘅佢,之前喺訪問感慨過,自己冇乜時間陪太太。不過,特首昨日「寓工作於拍拖」,同太太十指緊扣出席公益金百萬行起步禮。

「公益金港島、九龍區百萬行」起步禮昨日喺香港大球場舉行,李家超負責主持起步禮,太太林麗嬋就以公益金會長身份出席。特首話,隨住首階段與內地通關,市民生活逐漸回復正常,「今天嘅起步禮,每一小步對我嚟講都別具意義!」佢話,行路係世界上最好嘅運動之一,既有效減低慢性疾病風險,亦可以維持身體健康、舒展身心,強調今次活動籌得嘅善款,會全數資助二十四間提供家庭及兒童福利服務嘅會員機構。

公益金百萬行以大球場為起點,途經黃泥涌峽道、布力徑等地,終點係香港仔郊野公園遊客中心,全長約十公里,有逾八千人參加。
Kelly Chu

hd