KellyChu - 李嘉誠贊助醫護等2.6萬人免費坐摩天輪|Executive日記

為慶祝兔年,中環海旁舉辦「新春節慶」活動,長和系創辦人李嘉誠一向熱心公益,李嘉誠基金會昨日喺facebook發文話,李嘉誠喺辦公室,留意到中環嘅「新春節慶」開展,於是主動聯絡主辦方,贊助疫情期間守護香港嘅醫護,服務香港嘅外傭,同福利機構等共二萬六千人,免費乘坐摩天輪同參加攤位遊戲。基金會話,照顧身心健康,相互關懷嘅社會係珍貴禮物,祝願大家新年福杯滿溢,事事順心如意。

誠哥一向關心醫護同基層,疫情期間,李嘉誠基金會就捐款逾七千萬元,支援本地醫療同埋社福機構抗疫。
Kelly Chu

hd