繼梁添刀廠「大刀」招牌被勒令拆卸後，南昌街一一七號「南昌押」兩面掛在當舖外嘅「蝠鼠吊金錢」霓虹燈牌(見圖)亦難以倖免。Kelly八卦到，屋宇署本月二日向南昌押業主頒佈命令，指兩面招牌冇按《建築物條例》批准嘅建築圖則興建，限令喺發信三十天內將其拆卸，深水埗又會失去一個重要嘅招牌地標，真可惜。
「南昌押」原名「同安大押」，建於一九二○年代，為昔日澳門「典當業大王」高可寧家族持有，該建築物樓高五層，樓頂留有同安大押字體，至五十年代改名「南昌押」並沿用至今。令人印象最深刻嘅，莫過於懸掛喺當舖外逾半世紀嘅兩面招牌。專門研究霓虹的理大傳意設計學科主任郭斯恆話，高氏家族嘅當押物業招牌除了採用「蝠鼠吊金錢」經典形態，喺上面還拗出囍字燈管，帶有吉祥寓意，係其家族當舖嘅特色；而兩面招牌分別喺南昌街與汝州街十字路口伸出，晚上視覺美學效果份外搶眼。
又多一面招牌同香港講Bye Bye，Kelly好唔捨得啊，正如發哥喺《英雄本色》話齋：「咁靚嘅野，一下就無晒，真係有啲唔抵」，希望有心人出面爭取保育啦！
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}