KellyChu - 嘉道理農場櫻花正開 增觀光巴士班次方便市民｜Executive日記
KellyChu
2023-01-30 00:00
字體大小
香港呢幾日真係好凍，但原來大埔嘉道理農場暨植物園嘅鐘花櫻花無懼寒風，已經綻放成一片粉紅花海，農場仲特登為了花季加開園內觀光巴士班次，方便賞花嘅市民，Kelly都諗住今個周末去睇下！
大埔嘉道理農場暨植物園環抱翠綠山林，裏面種植嘅鐘花櫻花，又叫鐘花櫻桃，一般喺一至二月嘅初春盛開，開花指數達百分之八十，加上同樣粉嫩鮮艷的梅花，依家已經喺農場形成一片浪漫嘅粉色花海，喺胡挺生先生紀念亭欣賞就一流！同時，農場仲種咗山茶花、吊芙蓉、金花茶、玫瑰毛蘭、春花、龍船花、洋紫荊、粉梅等，都會喺二月初盛放。而農場為咗方便大家，特登加開園內觀光巴士班次，大家得閒記得入場參觀下，不過記得開放時間係早上九點半到下午五點。
另外，農場養咗好多唔同品種嘅小動物，例如得意嘅赤腹松鼠等，小朋友見到一定鍾意；近期農場仲會舉辦系列活動同課程，例如動物覓趣、落日森林漫步、原木工藝體驗工作坊等，等大家認識有機種植，同時親近大自然，一家大細參加就啱哂！
Kelly Chu
大埔嘉道理農場暨植物園環抱翠綠山林，裏面種植嘅鐘花櫻花，又叫鐘花櫻桃，一般喺一至二月嘅初春盛開，開花指數達百分之八十，加上同樣粉嫩鮮艷的梅花，依家已經喺農場形成一片浪漫嘅粉色花海，喺胡挺生先生紀念亭欣賞就一流！同時，農場仲種咗山茶花、吊芙蓉、金花茶、玫瑰毛蘭、春花、龍船花、洋紫荊、粉梅等，都會喺二月初盛放。而農場為咗方便大家，特登加開園內觀光巴士班次，大家得閒記得入場參觀下，不過記得開放時間係早上九點半到下午五點。
另外，農場養咗好多唔同品種嘅小動物，例如得意嘅赤腹松鼠等，小朋友見到一定鍾意；近期農場仲會舉辦系列活動同課程，例如動物覓趣、落日森林漫步、原木工藝體驗工作坊等，等大家認識有機種植，同時親近大自然，一家大細參加就啱哂！
Kelly Chu
最Hit
更多文章
