KellyChu - 44年歷史布市場「棚仔」落幕 市民感不捨|Executive日記

有44年歷史嘅「棚仔」深水埗欽州街布市場,為咗騰出土地發展公營房屋,昨日下午5點落幕,雖然部份檔戶今日起可以遷至鄰近嘅食環署新場地,不過唔少市民都好唔捨得,專登到場買布,作最後嘅告別。

「棚仔」昨日好多攤檔已經搬走咗,但仲有攤戶繼續營業清貨,唔少市民到場買平價布料,以示支持。

有修讀時裝設計嘅外國學生話,每逢學校有功課,都會去香港「棚仔」買布料,雖然自己唔係好識講廣東話,但布販都好樂意幫忙,依家「棚仔」要結業,難免感傷同不捨。

80年代已經設攤嘅檔戶話,咁多年嚟,好多時裝界名人都會到「棚仔」買合適嘅布料,期望遷往新址後,生意唔會變差。

食環署就話,「棚仔」有49個合資格經營者,其中33戶選擇離場,16戶可以今日起遷往鄰近的食環署新場地,無縫交接。
Kelly Chu
更多文章