任睇No.1
  • 21º
  • 89%
  • 2023年4月1日 星期六

KellyChu - 特首冀愛國情操薪火相傳 東江縱隊港九大隊成立80周年|Executive日記

二戰抗日組織東江縱隊港九獨立大隊,昨日舉行成立80周年紀念大會,行政長官李家超就透過視像致辭話,港九獨立大隊係抗日戰爭時期,堅持抵抗嘅抗日武裝力量,體現咗港人嘅愛國情懷,精神值得薪火相傳,期望市民透過歷史,加強國民身份認同。

李家超話,港九獨立大隊1942年2月3日喺西貢黃毛應村成立,開展抗日游擊戰爭,仲成為香港淪陷3年零8個月期間,唯一堅持武裝抗日嘅組織。港九獨立大隊奮力保衞香港嘅英雄事蹟,唔單止體現港人嘅愛國情懷,仲係香港珍貴嘅歷史文化遺產,希望抗日戰爭嘅愛國情操同可以薪火相傳,市民亦要透過歷史,加強國民身份認同。

紀念大會喺中環大會堂舉行,政務司副司長卓永興、全國人大常委譚耀宗、文化體育及旅遊局局長楊潤雄、民政及青年事務局局長麥美娟、立法會主席梁君彥、多位立法會議員、中聯辦青年工作部二級巡視員余升高,以及原東江縱隊港九大隊隊員等,約450人出席。

1941年12月底,香港被日軍佔領,廣東人民抗日游擊隊東江縱隊之後成立,港九獨立大隊是其支隊,曾秘密營救滯留香港、並被日軍搜捕嘅文化界人士,包括何香凝、廖承志和茅盾等八百多人。
Kelly Chu

hd