3年疫情過去，國際會議同展覽活動即將重臨香港。香港會議展覽中心（管理）有限公司主動出擊，派出董事總經理梅李玉霞（Monica）出席喺葡萄牙里斯本舉行嘅「2023年國際展覽業協會全球CEO峰會」，向全球100個展覽主辦機構招手，爭取佢哋來港舉行會議展覽。
Monica喺峰會上向全球會展業嘅CEO推廣香港政府開展「你好，香港！」嘅宣傳大計，又講解香港復常嘅最新情況。佢提到，前日起香港同中國內地將會全面通關，又指政府為吸引展覽回歸而推出嘅措施，除咗延長會議展覽業資助計劃外，亦將於今年7月推出定期展覽獎勵計劃。在座嘅代表都表示歡迎呢一系列財政援助措施。
身兼國際展覽業協會執行副主席嘅Monica，除咗出席葡萄牙峰會，3月初亦會出席喺吉隆坡舉行嘅國際展覽業協會亞太區會議。
見到愛穿旗袍嘅Monica四出宣傳香港嘅會議展覽業復常，Kelly好支持，亦希望佢一身優美嘅旗袍，同時向國際展示華夏服飾之美！
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}