KellyChu - 鄧炳強穿黃金戰衣 帶觀眾看飛機事故訓練|Executive日記

保安局局長鄧炳強早前喺社交平台連續多集介紹消防員救火工作,佢昨日再發放短片,親身帶觀眾到消防及救護學院嘅模擬飛機事故訓練場,實地講解學員接受訓練情況。片中所見,局長一身消防員裝備,從飛機外帶觀眾走入機艙,現場除咗模擬飛機引擎着火,仲模擬行李架同乘客艙發生火警,等學員進行實火訓練。局長最後仲感歎:「着住黃金戰衣救火真係唔容易,由頭濕到落腳!」

鄧炳強喺片中介紹,消防學員除咗要進行實火訓練,仲要學習處理大量傷者,以提高各救援單位嘅協調能力。現場除咗模擬飛機事故訓練場,仲設有加油站事故訓練場,以及燃油庫訓練場等設施,等學員接受嘅訓練更全面。局長仲實地示範點樣用滅火機械人,呢個滅火機械人嘅出水量每分鐘達3,000升,射程可達60米,並配備熱能顯像機同高清鏡頭,可實時將火場畫面傳送至指揮單位,協助消防員喺複雜同高風險嘅火場,進行長時間滅火同偵測工作。

Kelly Chu
更多文章