KellyChu - 主人貼街招 阻市民餵食貓店長｜Executive日記
KellyChu
2023-03-14 00:00
字體大小
元朗人氣貓店長「腩二」肥嘟嘟好得意，不過cute都有代價，佢最近就疑懷疑因為要減肥，畀主人搞到好似通緝犯咁貼街招，呼籲愛貓者「勿再投餵此貓」，笑死一眾網民。而肥腩都衝出咗香港，登上台灣嘅「梗圖集中營」。
主人幫「腩二」整嘅街招設計精美到好似橫額，圈有「腩二」玉照一張，大字寫明「重大事項宣佈 勿再投餵此貓」和「為牠好，不餵牠最好！」。街招旁仲有一張「歡迎廣傳」嘅「腩二」宜忌海報，指「宜：觀賞」、「忌：餵食」。可能太似通緝犯，主人之後就幫「腩二」換上另一版本嘅街招，內容一樣，不過玉照就由大頭正面，換成昂首瞪眼「扮插蘇」。另外，有熟識「腩二」嘅網友爆料，原來佢早前失戀，如今「失戀不特止，仲要肥到被貼街招」、「哈哈，真的慘，雙重打擊」。
Kelly Chu
主人幫「腩二」整嘅街招設計精美到好似橫額，圈有「腩二」玉照一張，大字寫明「重大事項宣佈 勿再投餵此貓」和「為牠好，不餵牠最好！」。街招旁仲有一張「歡迎廣傳」嘅「腩二」宜忌海報，指「宜：觀賞」、「忌：餵食」。可能太似通緝犯，主人之後就幫「腩二」換上另一版本嘅街招，內容一樣，不過玉照就由大頭正面，換成昂首瞪眼「扮插蘇」。另外，有熟識「腩二」嘅網友爆料，原來佢早前失戀，如今「失戀不特止，仲要肥到被貼街招」、「哈哈，真的慘，雙重打擊」。
Kelly Chu
更多文章
